Ministrja e drejtësisë, Albulena Haxhiu ka shkruar për arritjet që sipas saj janë bërë gjatë mandatin 4 vjeçar në fushën e drejtësisë, pëcjell KosovaPost.
Sipas saj, për luftë kundër korrupsionit thotë se miratuan Ligjin për Byronë Shtetërore për Konfiskimin e Pasurisë së Pajustifikueshme, ligj ky i kontestuar dy herë në Kushtetuese nga opozita.
Haxhiu ka renditur miratimin e paketës ligjore anti-korrupsion e miratimin e ndryshimeve penale që mundësojnë ndalimin e ushtrimit të funksioneve publike për zyrtarët abuzues me funksionin publik.
Ajo si të arritur të ministrisë që drejton ka renditur miratimin e ndryshimeve në Kodin e Procedurës Penale, miratimin e Ligjit për Sanksionet e Shënjestruara kundër shkelësve të huaj të të drejtave të njeriut.
Tutje, sipas Haxhiut, me Ligjin e ri për Prokurorinë Speciale të Republikës së Kosovës është mundësuar funksionalizimi i njësitit të veçantë të Policisë së Kosovës për hetimin dhe ndjekjen e rasteve të korrupsionit dhe krimit të organizuar.
E arritur është renditur edhe miratimi i Rregullores për sinjalizimin e rasteve të keqpërdorimeve në institucione dhe akteve të tjera përcjellëse e ajo
Për integritetin, profesionalizmin dhe llogaridhënien e autoriteteve të drejtësisë, thotë se finalizuan dhe konfirmuan amendamentet kushtetuese për vetingun e niveleve të larta në drejtësi.
Miratuan versionin e ri të ndryshimeve të ligjit për KPK-në, Pakon Ligjore për sistemin prokurorial. Miratuan e zbatuan strategjinë për sundimin e ligjit, bënë finalizimin e gjashtë akteve normative për forcimin e mekanizmave për kontrollin e integritetit të gjyqtarëve dhe prokurorëve.
Ministrja për këtë katër vjeçar ka renditur si suksese edhe themelimin e funksionalizimin e Gjykatës Komerciale, miratimi në Kuvend të Ligjit për Gjykatën Administrative.
Buxheti i ministrisë, sipas saj, është 92 për qind më i lartë se para katër vjetësh.
Ndër të tjera, Haxhiu thotë se kursyen buxhetin e shtetit në 145 milion përmes tri fitoreve në arbitrazh.
