Profesori Enver Bytyçi ka reaguar ashpër ndaj Edi Ramës, pasi ky i fundit kritikoi Qeverinë e Kosovës për ngjarjet në veri.
Bytyçi në një postim në Facebook e tha hapur se “Armiku i Kosovës nuk është Vuçiq, por Edi Rama!”.
Sipas tij, kryeministri shqiptar hodhi vetëm helm dhe vrer kundër qeverisë Kurti.
“Vetëm helm e vrer kundër qeverisë së Kosovës! Vetëm fajësim të institucioneve të Kosovës! Dhe ne fajësojmë Aleksandër Vuçiq. Armiku i Kosovës dhe shqiptarëve është kryeministri i Shqipërisë, jo aq sa ky presidenti i Serbisë”, tha ndër të tjera profesori, përcjell “Bota sot”.
Postimi i plotë
Armiku i Kosovës nuk është Vuçiq, por Edi Rama!
E lexuat reagimin e kryeministrit të Shqipërisë për ngjarjet në veri të Kosovës?! Ai fajëson për gjithçka qeverinë e Kosovës. Asnjë fjalë për dhunën e kriminelëve serbë kundër institucioneve dhe policisë së Kosovës. Asnjë fjalë për djegien e makinës së policisë dhe plagosjen e policëve! Asnjë fjalë për shkrehjen e armëve nga ana e serbëve. Asnjë fjalë për përdorimin e makinave të rënda për barrikada!
Vetëm helm e vrer kundër qeverisë së Kosovës! Vetëm fajësim të institucioneve të Kosovës! Dhe ne fajësojmë Aleksandër Vuçiq. Armiku i Kosovës dhe shqiptarëve është kryeministri i Shqipërisë, jo aq sa ky presidenti i Serbisë!
Ku qëndrim më bën të besoj se ka një plan anti-Kosovë! Qeveria dhe presidentja duhet ta zhbëjnë atë plan pro-serb! Me vendosmëri! Pa u intimiduar as nga njerëzit e fuqishëm të Perëndimit! Dëshmoni se jeni shtet! Ndryshe askush nuk do t’ju marrë më seriozisht!
