Gjykata nuk i caktoi paraburgim sikur 14 tjerëve Skender Bajramit i arrestuar nën dyshimin e veprës penale fajde.
Pronari i autosallon “Alberti”, Skender Bajrami, u lirua me vendim të gjykatës në një seancë të mbajtur në QKUK, ku Bajrami ishte shtrirë duke pretenduar se kishte probleme shëndetësore.
Ai u lirua nga gjykata pavarësisht kërkesës së prokurorit të shtetit, Rasim Maloku, për caktimin e masës së paraburgimit prej 30 ditësh, por duke mos llogaritur rrezikun e ikjes së të pandehurit.
Ky detaj, pra mungesa e rrezikut të ikjes së Bajramit, i prezantuar nga prokurori i shtetit, mund ta ketë shtyer gjykatën që të liroi Skender Bajramin, të vetmin nga 15 të arrestuarit.
Por problemet shëndetësore të Skender Bajramit, që detyruan gjykatën të mbajë seancë në QKUK, kaluan shpejt, pasi Bajrami mori pjesë në ceremoninë hapëse të Prishtina Mall ditën e djeshme.
Ai shfaqet në fotografi në gjendje të mirë e duke qeshur.
Por se a do të ankohet prokurori Maloku në Apel për vendimin e gjykatës themelore për lirimin e Bajramit nga paraburgimi si të vetmin nga 15 të arrestuarit, pasi vepra e dyshuar nuk dallon nga personat tjera.
Sipas procedurave ligjore, prokurori mund të ankohet në Apel për vendimet e gjykatës themelore.
Aksionari i “Prishtina Mall”, Skender Bajrami, u lirua me masë të veçantë për të mos iu afruar të dëmtuarve Xhavit Shala, Samir Bajrami, Salih Sinani.
Në ambientin e njëjtë me Bajramin dje në “Prishtina Mall” ishte edhe presidentja e vendit Vjosa Osmanin, të cilën duket se nuk e ka penguar fakti që aksionar i kësaj qendre tregtare është një person i dyshuar për fajde.
