Kryetari i Lidhjes Demokratike të Kosovës, Lumir Abdixhiku, ka publikuar një këngë me videoklip, përmes të cilës thotë se “Rruga e re LDK-së po nis”.
Abdixhiku po ashtu ka paralajmëruar mbajtjen e Kuvendit dhe Konventës së LDK-së.
“Drejt përgatitjeve finale. Ejani këtë të diel, më 19 nëntor, në Prishtinë”.
“Rruga e Re po nis. Faleminderit Shpat Dedës, Armend Xhaferit, Rema Canollit e djemve e vashave të Korit të Kosovës për këtë kryevepër; për Lidhjen dhe Rrugën e Re”.
Ndërsa kënga ka këto vargje:
Zemrën e kam hapë
T’ardhmen me përqafë
Ëndrrat që me breza ndër vite i kemi pasë.
Besën ta kam dhanë
Rrugën për me ça
Era e ndryshimit po fryn
E dora dorën e ka kapë.
Rruga e re po hapet
Po lulëzon
Shtigjet bashkë i ndërtojmë.
T’fortë kur jemi hapi s’ndalet
Po marshojmë
Lidhjes i besojmë.
Rrugën e kam marrë
Vendit zot me i dalë
Flakën e themeleve tona
Me mbajtë gjallë.
Besën ta kam dhanë
Rrugën për me ça
Era e ndryshimit po fryn
E dora, dora me dorë asht kapë.
