Në Samitin e 4-t të Arsimit në Stamboll, i organizuar nga Fondacioni Maarif i Turqisë dhe ku presidenti Recep Tayyip Erdoğan dërgoi një mesazh pjesëmarrjeje, International Maarif Schools of Kosova arritën një sukses të madh duke fituar 3 çmime.
Në këtë samit, ndër 55 vende ku veprojnë shkollat Maarif, në kategorine “Good Practices in Education, International Maarif Schools of Kosova fitoi dy çmime: Little Travelers (Kosovë-Etiopi) dhe "Maarif Environmental Volunteers", si vendi i Kosovës në kategorine e shteteve për vitin akademin 2023-2024.
Presidenti Recep Tayyip Erdoğan, Ministri i Arsimit Kombëtar Prof. Dr. Yusuf Tekin dhe Kryetari i Fondacionit Maarif Prof. Dr. Birol Akgün mbajtën fjalët hapëse të samitit, ndërsa ministrat e arsimit nga Maqedonia e Veriut, Indonezia, Liberia dhe Lesoto morën pjesë online.
Gjatë këtij aktiviteti, u vlerësuan sistemet arsimore në mbarë botën.
Ndër folësit kryesorë ishin emra të rëndësishëm si Prof. Dr. Robert Jenkins nga Universiteti Harvard, Prof. Dr. Takaharu Tezuka nga Universiteti i Qytetit të Tokios, Prof. Dr. Kerry John Kennedy nga Universiteti i Arsimit në Hong Kong dhe Profesori Richard A. Falk nga Universiteti Princeton.
Një ndër folëset që tërhoqi vëmendjen ishte Bejda Torbani, një ish-nxënëse e International Maarif Schools of Kosova. Aktualisht studente në Inxhinieri Biomedikale në Universitetin e Samsunit, Bejda Torbani theksoi rolin kritik të të rinjve në arsim. Ajo përmendi rëndësinë e empatisë dhe vetëbesimit në edukimin e qëndrueshëm, duke thënë: "Edukimi nuk lidhet vetëm me sukseset, por edhe me mënyrën se si i trajtojmë njerëzit." Në samitin dyditor, ekspertë arsimi, akademikë dhe profesionistë shqyrtuan rolin e arsimit në një të ardhme të qëndrueshme. U organizuan panele ku u diskutuan tema si drejtësia sociale në arsim, kultura e qëndrueshme e shkollave dhe marrëdhëniet shtet-arsim. Samiti përfundoi me shpalljen e rezultateve për " Good Practices in Education " dhe Konkursin e 5-të Ndërkombëtar "International Maarif Photography Competition".
