Sirenat u dëgjuan në të gjithë Izraelin pas lëshimit të një rakete balistike nga Irani dhe disa shpërthime të forta u dëgjuan mbi pjesën jugore të vendit, raportoi Times of Israel. Civilëve iu dha urdhër të qëndronin në strehimore bërthamore. Paralajmërime u lëshuan në të gjithë Izraelin qendror, verior dhe jugor, si dhe në zonën e Jerusalemit. Izraeli goditi një zonë pranë reaktorit bërthamor në Kondab në Iranin qendror, raportoi agjencia iraniane e lajmeve (ISNA).
Sirenat u dëgjuan në të gjithë Izraelin pas lëshimit të raketave balistike nga Irani dhe disa shpërthime të forta u dëgjuan mbi pjesën jugore të vendit, raporton Times of Israel .
Raportet fillestare tregojnë se ka të lënduar dhe se ka dëme të mëdha materiale, si dhe të paktën katër vende të sulmeve me raketa iraniane pas sulmit të fundit ajror në Izraelin qendror dhe jugor.
Rreth 20 raketa u qëlluan nga Irani drejt Izraelit këtë mëngjes, me qytetarë që raportuan shpërthime, raporton kanali televiziv izraelit N12 .
Punonjësit e mjekësisë po i përgjigjen raporteve për sulme me raketa balistike në Izraelin qendror dhe jugor, raporton Jerusalem Post .
Breshëria e fundit e zjarrit nga Irani ishte më e fuqishme se sulmet e fundit, vlerëson Times of Israel .
Një raketë balistike iraniane goditi Spitalin Soroka në Beersheba këtë mëngjes, ndërsa sirenat u dëgjuan në të gjithë Izraelin pas një breshërie zjarri të nisur nga Irani.
Shpërthime të forta u dëgjuan në të gjithë Izraelin qendror dhe u raportuan disa vende të tjera të goditura drejtpërdrejt.
Kurse Izraeli sulmoi një zonë pranë reaktorit bërthamor të ujit të rëndë në Kondab në Iranin qendror, i cili është pjesë e programit bërthamor të Iranit, njoftoi agjencia iraniane e lajmeve (ISNA).
Kjo agjenci raporton se zyrtarët iranianë thanë se objekti ishte evakuuar para sulmit dhe se nuk kishte rrezik rrezatimi.
Ushtria izraelite i paralajmëroi iranianët të evakuojnë zonën e reaktorit bërthamor me ujë të rëndë që ndodhet në kufirin e qyteteve Arak dhe Kondab në Iranin qendror për sigurinë e tyre, raportoi Times of Israel .
Reaktori i ujit të rëndë ndodhet në periferi të Kondabit.
Ushtria ka theksuar se po vepronte në zonë kundër infrastrukturës ushtarake iraniane. Reaktori kërkimor është ndërtuar pjesërisht dhe më parë njihej si Arak, dhe Teherani ka njoftuar Agjencinë Ndërkombëtare të Energjisë Atomike (IAEA) se planifikon ta fillojë ndërtimin e objektit vitin e ardhshëm.
Uji i rëndë ndihmon në ftohjen e reaktorëve bërthamorë, por prodhon plutonium si një nënprodukt që potencialisht mund të përdoret për të prodhuar armë bërthamore.
IAEA i ka kërkuar Izraelit të mos sulmojë objektet bërthamore iraniane.Inspektorët e IAEA-s thuhet se e vizituan për herë të fundit Arakun më 14 maj.
Civilëve iu dha urdhër të qëndronin në strehimoret kundër bombave deri në njoftim të mëtejshëm. Paralajmërime u lëshuan në të gjithë Izraelin qendror, verior dhe jugor, si dhe në zonën e Jerusalemit.
