Aeroplani i ish-presidentit të Filipineve Rodrigo Duterte u ul sot në Hagë të Holandës, ku ai do të përballet me gjyqin në Gjykatën Ndërkombëtare Penale për krime të dyshuara kundër njerëzimit gjatë “luftës së tij kundër drogës”, raportojnë mediat filipinase, transmeton Anadolu.
Duterte u vendos në një fluturim çarter për në Hagë për t’u përballur me gjyqin të martën pasi u arrestua në Aeroportin Ndërkombëtar të Manilës pas mbërritjes së tij nga Hong Kongu. Avioni bëri një ndalesë në Dubai përpara se të vazhdonte për në Hagë.
Vajza e Dutertes dhe zëvendëspresidentja e Filipineve Sara Duterte u nisën gjithashtu sot për në Hagë për të ndihmuar në organizimin e një ekipi ligjor për babain e saj.
