Ish-presidenti amerikan Barack Obama, nuk ka shprehur mbështetje për zëvendëspresidenten e SHBA-së Kamala Harrisin, pasi ajo u miratua nga Joe Biden si pasuesja e tij në kandidaturën për zgjedhjet presidenciale, pasi ai vet u tërhoq si kandidati demokrat.
Për Harrisin shprehi mbështjetje ish-presidenti amerikan Bill Clinton dhe gruaja e tij Hillary Clinton.
Guvernatorët Gavin Newsom dhe Josh Shapiro, që dikur u propozuan si zëvendësues të mundshëm të Bidenit, gjithashtu mbështetën Harrisin.
Një deklaratë nga zyra e Obamas lavdëroi Bidenin, por nuk i referohej zëvendëspresidentes, raporton Sky News.
“Ne do të lundrojmë në ujërat e paeksploruar në ditët në vijim. Por kam besim të jashtëzakonshëm se liderët e partisë sonë do të jenë në gjendje të krijojnë një proces nga i cili do të dalë një kandidat i shquar ” shkruhej në të, transmeton Klankosova.tv.“Unë besoj se vizioni i Joe Biden për një Amerikë bujare, të begatë dhe të bashkuar që ofron mundësi për të gjithë do të shfaqet plotësisht në Konventën Demokratike në gusht”, thuhej tutje aty.
