Ish-këshilltari i sigurisë kombëtare i Izraelit, Yaakov Amidror, i përshkruar si “i besuari” i kryeministrit Benjamin Netanyahu, tha se Izraeli po përgatit një plan të detajuar për të ndarë dhe okupuar gjysmën e Gazës, përcjell Kosova Post.
Ai raporton se plani përbëhet nga tre nivele dhe ka të bëjë me fazën e lëvizjes së rezistencës Hamas, dhe se nivelet e planit përfshijnë shkatërrimin e Hamasit, çarmatimin e Gazës dhe në përfundim “copëtimin e saj”.
Reuters citoi një zyrtar izraelit të thoshte se ishte e paqartë se sa e thellë do të ishte zona që Izraeli planifikon të okupoj në Rripin e Gazës, duke shtuar se ajo mund të jetë veriu i Gazës.
Opozita e Uashingtonit
Në këtë kontekst, Reuters citoi një zyrtar amerikan të thoshte se Uashingtoni kundërshton çdo plan për të zvogëluar sipërfaqen e tokës palestineze.
Më 7 tetor, lëvizja islamike e rezistencës Hamasi nisi Operacionin “Përmbytja Al-Aksa” dhe filloi një sulm në zonat izraelite përreth Gazës në përgjigje të sulmeve të vazhdueshme izraelite ndaj popullit palestinez.
Ushtria izraelite pushtuese u përgjigj me një luftë intensive ajrore, tokësore dhe detare në Rripin e Gazës, e cila rezultoi në vdekjen e më shumë se 15,700 palestinezëve dhe plagosjen e 37,800 të tjerëve, ndërsa mijëra trupa të të vrarëve mbetën nën rrënoja.
