Jo vetëm në Serie A, por emri i Cristian Shpendit po qarkullon edhe në Portugali. Në menyrë të papritur, prestigjiozja A Bola, shkruan se gjigandët e Benfikës, shohin te Shpendi profilin ideal për të zëvendësuar Arthur Cabral.
Sulmuesi brazilian u ble nga Fiorentina për 20 milionë euro për të zëvendësuar Gonçalo Ramos, por shifrat e tij nuk bindin, aq sa tani Benfika është gati ta lë të lirë pasi për të ka një interesim të fortë nga Botafogo. Në këto kushte, ekipi portugez po studion tregun për të gjetur një sulmues të ri.
Gjithnjë sipas A Bola-s, Benfika sheh te Shpendi një profil shumë interesant, pasi sulmuesi shqiptar është një futbollist i ri, i ditëlindjes 2003 dhe ka një potencial shumë të madh për të ardhmen. Vetëm këtë sezon me fanellën e Cesena-s, Shpendi ka shënuar 12 gola në 21 ndeshje.
Shpendi është një profil që prej kohësh po tërheq vëmendjen e shumë klubeve në Serie A, ku më herët interesim kanë shfaqur klube të mëdha si Juventus, Napoli, Fiorentina dhe Torino. Cesena vlerëson kartonin e Shpendit me 15 milionë euro.b.web.
