Jordania është e gatshme të ndihmojë Sirinë në rindërtimin, tha ministri i saj i Jashtëm pas takimit me udhëheqësin e ri ‘de fakto’ të Sirisë, Ahmed al-Sharaa, në Damask të hënën.
Ky është kontakti i nivelit më të lartë nga një shtet arab me administratën e re të udhëhequr nga islamikët e Sirisë.
Ministri i Shtetit për Punët e Jashtme të Katarit, Mohammed Al-Khulaifi, gjithashtu, mbërriti në Damask të hënën për takime në bordin e avionit të parë të ‘Qatar Airways’ për ulje në kryeqytetin sirian që nga rrëzimi i ish-presidentit Bashar al-Assad, tha zëdhënësi i Ministrisë së Jashtme të Katarit në platformën ‘X’.
Takimet zgjerojnë më tej kontaktet diplomatike të administratës së re të krijuar pasi grupi Hayat Tahrir al-Sham (HTS) i Sharaa-së, një ish degë e Al Kaedës, udhëhoqi një ofensivë vendimtare rebele që përmbysi Assadin pas më shumë se 13 vjet lufte, njofton Reuters.
Sharaa, i njohur gjithashtu me emrin e tij ‘de guerre Abu Mohammed al-Golani’, kishte pas takimit me ministrin e Jashtëm jordanez, Ayman al-Safadi, deklaruan se janë të gatshëm për bashkëpunim.
“Bisedimet tona ishin të qarta se ne në Mbretëri jemi gati të ofrojmë mbështetje,” tha ai pas takimit, duke shtuar se administrata e re siriane duhet të ketë mundësinë për të zhvilluar planet e saj. “Unë u fokusova në përpjekjet për rindërtim dhe Jordania do të ofrojë ndihmë,” shtoi Safadi.
Stabiliteti i Sirisë është një shqetësim kyç i sigurisë për Jordaninë, një shtet arab aleat i SHBA-së, i cili kufizohet me vendin në jug.
Sharaa, i cili u takua me diplomatë të lartë amerikanë javën e kaluar, ndërpreu lidhjet me Al Kaedën në vitin 2016. Ai ka thënë se fokusi i tij kryesor është rindërtimi dhe arritja e zhvillimit ekonomik dhe se nuk është i interesuar të përfshihet në ndonjë konflikt të ri.rtk.
