Mario Mitaj, mbrojtësi i majtë shqiptar i cili luan aktualisht për Lokomotivën e Moskës, është emri i ri për merkaton e Juventusit në verë. “Zonja e Vjetër” do të dërgojë vëzhgues ditën e premte në “Tardini” të Parmës, pasi aty Shqipëria do të luajë miqësoren e saj kundër Kilit, dhe të dërguarit e Juventus duan ta shohin nga afër performancën e talentit shqiptar.
Megjithatë, ai që e njeh mirë është Edy Reaj, tajneri italian i cili i dha mundësinë e debutimit Mitajt në kombëtaren e Shqipërisë.
“Unë u mahnita nga prekja e tij e pastër dhe inteligjenca në leximin e lojës. Këmbë majtë, i përsosur në një mbrojtje me katër lojtarë dhe me një mesfushë dhe sulm me tre lojtarë. Ai zë pozicionin e tij, i kupton situatat dhe ai ka një inteligjencë të përkryer në fushë.
Ai është një djalë me cilësi të mëdha morale. Jashtë fushës ai nuk është kurrë në krye, madje dikush mund ta përkufizojë atë si të turpshëm,shkruan abcnews.al. Më pas, në fushë ai tregon një personalitet të madh, sigurisht më të lartë se çfarë do të prisnit për dikë të moshës së tij, ai e tregon veten dhe nuk ka frikë të marrë përgjegjësitë e tij në fushë”, është shprehur ish-trajneri i kombëtares shqiptare, Edy Reja.
