Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 10 gusht, shkruan Kosova Post.
10 gusht 1792 – Sistemi mbretëror në Francë mori fund. Pallati “Tuileries” u plaçkit nga masat e popullit dhe Mbreti Luigji XVI u arrestua nga administrata e re.
10 gusht 1914 – “Goben” dhe “Breslau”, dy koracata gjermane që u arratisën nga flota angleze në detin Mesdhe, u strehuan në Perandorinë Osmane. Këto dy luftanije u shpallën të blera nga Shteti Osman dhe u emërtuan si “Yavuz” dhe “Midilli”. Më pas, ato bombarduan portet ruse në Detin e Zi dhe si kundërpërgjigje Rusia cariste i shpalli luftë Perandorisë Osmane.
10 gusht 1920 – Pas përfundimit të Luftës I Botërore, u nënshkrua Traktati i Sevrës, i cili parashikonte copëtimin e Perandorisë Osmane dhe lënien nën hegjemoninë e turqve të një territori shumë të vogël në Anadollin Qendror.
10 gusht 2014 – Për herë të parë në historinë e Republikës së Turqisë, presidenti i vendit u zgjodh për herë të parë me votën e drejtpërdrejtë të zgjedhësve. President 12. i Republikës së Turqisë u zgjodh Recep Tayyip Erdogan.
