Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 14 tetor, shkruan Kosova Post.
14 tetor 1913 – Aksidenti në një minierë qymyrguri në Senghenydd të Anglisë u mori jetën 439 personave.
14 tetor 1933 – Adolf Hitleri njoftoi mospjesëmarrjen e tij në Konferencën e Çarmatimit në Gjenovë (Itali) dhe largimin e Gjermanisë nga Lidhja e Kombeve.
14 tetor 1947 – Piloti testues amerikan, (Chuck) Charles Elwood Yeager, u bë njeriu i parë që kaloi shpejtësinë e zërit me avionin “Bell X-1”.
14 tetor 1964 – Çmimi Nobel i Paqes iu akordua priftit amerikan me ngjyrë, Martin Luther King.
14 tetor 1968 – Atleti amerikan, Jim Hines, u bë njeriu i parë që vrapoi 100 m në më pak se 10 sekonda (9,95) gjatë Lojërave Olimpike në Meksikë. Ky rekord qëndroi i pathyeshëm deri në vitin 1983.
14 tetor 1973 – Në protestën studentore për një qeveri demokratike në Tajlandë humbën jetën 77 persona dhe u plagosën 857 të tjerë.
14 tetor 1981 – Hosni Mubaraku u bë president i Egjiptit pas atentatit vdekjeprurës ndaj Anwar Sadatit. Mubaraku qëndroi në krye të shtetit egjiptian për 30 vjet.
1994 – Lideri palestinez Yasser Arafat dhe dy izraelitë – kryeministri Yitzhak Rabin dhe ministri i Punëve të Jashtme, Shimon Peres – fitojnë çmimin “Nobel” për paqe.
1913 Në Vlorë, shpërthen hapur grindja midis Esad Pashë Toptanit dhe Ismail bej Qemalit. Esadi shpall largimin nga Qeveria e Vlorës dhe krijimin e një qeverie të re.
1933 Gjermania naziste tërhiqet nga Lidhja e Kombeve. Në atë kohë Lidhja e Kombeve kishte ndërmarrë nismën për pakësimin e armatimeve mes vendeve anëtare, krejt e kundërta e asaj që Hitleri donte.
1943 Të burgosurit hebrenj në kampin nazist gjerman të shfarosjes Sobibor në Poloni ngrenë krye, duke vrarë 11 roje dhe plagosur shumë të tjerë. Rreth 300 prej 600 të burgosurve u arratisën, dhe vetëm 50 prej tyre mbijetuan deri në fund të luftës. 300 të burgosurit që mbetën në kamp, u pushkatuan të nesërmen.
1962 Një avion amerikan U 2 me pilot fluturon mbi ishullin e Kubës dhe fotografon raketat sovjetike të afta për mbushje bërthamore duke u instaluar në Kubë.
