Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 15 prill, shkruan Kosova Post.
15 prill 1452 – Leonardo da Vinci – piktor, skulptor, shkencëtar vizionar, dijetar, arkitekt, muzikant, matematikan, inxhinier, shpikës, anatomist, gjeolog, hartograf, botanist, dhe shkrimtar italian me famë botërore, erdhi në jetë në Anchiano të qytezës Vinci. Gjenia e këtij njeriu të kuriozitetit të pashuar dhe imagjinatës së ethshme krijuese është e pakrahasueshme edhe sot. Leonardo konsiderohet gjerësisht si një nga piktorët më të mëdhenj të të gjitha kohërave dhe ndoshta personi me talentin më të gjithanshëm që ka jetuar ndonjëherë. Krahas shpikjeve të tij përtej epokës në të cilën jetonte, Da Vinci ka lënë gjurmë të thella në periudhën artistike dhe kulturore të Rilindjes me dy kryevepra të pikturës si “Mona Lisa” dhe “Darka e Fundit”.
15 prill 1912 – Anija transatlantike “Titanik”, e cila filloi udhëtimin e parë me 2.340 pasagjerë dhe anëtarë të ekuipazhit në bord, u fundos 2 orë e 40 minuta pasi u përplas me një ajsberg në jug të ishullit Njufaudlend. Në këtë ngjarje tragjike humbën jetën 1mijë e 513 njerëz. Titaniku ishte anija më e madhe e asaj kohe.
15 prill 1931 – Me direktivë të themeluesit dhe Presidentit të Parë të Republikës së Turqisë, Mustafa Kemal Ataturk, në Ankara u themelua Shoqata për Studimin e Historisë Turke. Emri i kësaj shoqate u ndryshua 4 vite më vonë për të marrë formën e sotme si Instituti Turk i Historisë (TTK).
15 prill 1998 – Pol Poti, kryeministër i Kamboxhias si lider i Kmerëve të Kuq, vdiq më moshën 72-vjeçare. Gjatë pushtetit të Pol Potit, i lindur si Saloth Sar, Kmerët e Kuq kryen një prej gjenocideve më të mëdha të historisë së njerëzimit. Ata janë përgjegjës për torturën dhe vrasjen e rreth 1 milion e 700 mijë bashkëkombësve kamboxhianë.
1755 – Botohet në Londër Fjalori i Gjuhës Angleze nga Samuel Johnson (mes fjalorëve më me ndikim në historinë e anglishtes). Atij iu deshën 9 vjet për të përfunduar Fjalorin, edhe pse kishte thëne se do ta përfundonte atë në tre. Deri në botimin e Oxford English Dictionary, 173 vjet më vonë, Fjalori i Johnsonit konsiderohej si i vetmi fjalor autoritativ në anglisht – me 42.773 fjalë të ilustruara me rreth 114,000 citime letrare. Autorët e cituar më shpesh nga Johnson përfshijnë Shekspirin, Milton dhe Dryden. Ndryshe nga leksografët e tjerë, Samuel Johnson futi në fjalor edhe humor e paragjykime në shpjegimin e shumë fjalëve, p.sh.:
1865 – Abraham Linkoln vdes pasi ishte qëlluar një natë më parë nga aktori John Wilkes Booth, ndërsa po shikonte një shfaqje në Teatrin Ford në Uashington.
1912 – Anija e udhëtarëve Titanik zhytet në Atlantikun e Veriut dy orë e dyzet minuta pas përplasjes me një ajsberg. Vetëm 710 nga 2,227 pasagjerët dhe ekuipazhi në bord shpëtuan.
1923 – Për herë të parë Insulina vihet në dispozicion për përdorim të gjërë nga njerëzit me diabet. Insulina ishte zbuluar në vitin 1922 dhe sot përdoret çdo ditë në trajtimin e diabetit. Ajo nxirret nga pankreasi e deleve, lopëve dhe me mënyra të tjera, përfshi syntetizimin në laborator. Insulina – hormon natyral i prodhuar nga pankreasi- është jetik për metabolizmin e karbohidrateve në trup. Një sipërbollëk i insulinës në organizëm shkakton shumëllojshmëri simptomash, përfshi gjendje kome
1971 – Aktori George C. Scott refuzon çmimin Oskar për rolin e tij në filmin “Patton”, gjeneral i trupave amerikane në Evropë gjatë luftës së dytë botërore. Aktori Scot u tha gazetarëve se nuk e donte një nder të tillë pasi është poshtëruese që aktorët të konkurrojnë kundër njeri tjetrit. Ai e quajti ceremoninë Oskar një paradë mishi, shfaqje publike e sajuar për përfitime ekonomike.
1984 – Përurohet Dita Botërore e Rinisë në Sheshin e Shën Pjetrit, Vatikan.
Lindje
1452 – Leonardo da Vinci, piktor, skulptor, arkitekt dhe filozof italian (vdiq më 1519)
1892 – Corrie Ten Boom, shkrimtare hollandeze (vdiq më 1983)
1912 – Kim II Sen, diktator i Koresë Veriore (vdiq më 1994)
1913 – Vangjel Grabocka, aktor
1920 – Thomas Szasz, psikolog amerikan (vdiq më 2012)
1924 – Jup Kastrati, mësues shqiptar
1927 – Bejto Isufi, ushtarak shqiptar
1931 – Tomas Tranströmer, shkrimtarë suedezë, Çmimit Nobel për Letërsi
1938 – Claudia Cardinale (Klaudia Kardinale) aktore e famshme italiane.
1959 – Emma Thompson, aktore angleze
1990 – Emma Watson, aktore angleze
Vdekje
1828 – Francisco Goya, piktor spanjoll (lindi më 1746)
1865 – Abraham Lincoln, kryetar i SHBA-ve (lindi më 1809)
1882 –Charles Darwin, shkencëtar anglez, autor e teorisë i evoluimit (lindi më 1809)
1946 – Faik Shatku, jurist dhe ministër shqiptar (lindje 1889).
1972 – Frank Hyneman Knight ishte një ekonomist amerikan, themelues i shkollës ekonomike të Chicagos. (lindje 7 nëntor 1885)
1990 – Greta Garbo, aktore amerikano-suedeze
