Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 19 dhjetor, shkruan Kosova Post.
1924 – Vrasësi serial gjerman Fritz Haarmann dënohet me vdekje për një seri vrasjesh. I njohur si, Vampiri i Hanoverit, Haarman kreu sulme seksuale, vrasje, dhe gjymtime të rreth 24 të rinjve midis viteve 1918-1924 në Hanover, të Gjermanisë. Haarmann u shpall fajtor për 24 nga 27 vrasjet për të cilat u gjykua dhe u dënua me vdekje, në gijotinë.
1932 – BBC World Service, fillon transmetimin si BBC Empire Service. BBC World Service është kanali më i madh ndërkombëtar në botë, i cili transmeton radio, lajme, fjalime, dhe diskutime, në më shumë se 40 gjuhë të botës. Ajo transmeton, në shumë pjesë të botës në platforma analoge dhe digjitale me valë të shkurtra, transmetime në internet, dhe ato satelitore.
1956 – Mjeku me origjinë irlandeze John Bodkin Adams u arrestua në lidhje me vdekjen e dyshimtë të më shumë se 160 pacientëve. Midis 1946-1956, më shumë se 160 pacientë të tij vdiqën në ato që mund të konsiderohen si rrethana të dyshimta. Nga këto, 132 i lanë para ose sende në testamentet e tyre. Adams u gjykua për vrasje, në vitin 1957. Përfundimisht ai u dënua, vetëm për akuza jo të rënda.
1964 – Lind në Kaunas të Lituanisë, Arvydas Sabonis. Sabonis, është një basketbollist dhe biznesmen lituanez. I njohur si një nga lojtarët më të mirë evropianë të të gjitha kohërave, ai fitoi Euroscar gjashtë here. Ai luajti në një larmi ligash, dhe kaloi shtatë sezone në Shoqatën Kombëtare të Basketbollit (NBA), në Shtetet e Bashkuara të Amerikës.
1986 – Mikhail Gorbachev, udhëheqësi i Bashkimit Sovjetik, liron Andrei Sakharov dhe gruan e tij nga internimi në Gorky. Sakharov u arrestua së bashku me gruan e tij, në 22 Janar 1980, pas protestave të tij publike kundër ndërhyrjes sovjetike në Afganistan në 1979. Ata u dërguan në qytetin Gorky, tani Nizhny Novgorod, një qytet që ishte jashtë kufijve për të huajt.
1996 – Vdes në Paris në moshën 72 vjeçare Marcello Mastroianni. Mastroianni, ishte një aktor i famshëm i kinematografisë italiane. Filmat e tij të spikatur përfshijnë, La Dolce Vita, La Notte, Divorce Italian Style, Yesterday, Today and Tomorrow, Marriage Italian Style, The 10th Victim, A Special Day, Henry IV, Dark Eyes, dhe Everybody’s Fine.
2016 – Ambasadori rus në Turqi Andrei Karlov qëllohet për vdekje, ndërsa ishte në një ekspozitë arti në Ankara. Vrasësi, Mevlut Mert Altintas, ekzekutohet në vënd, nga rojet turke. Atentati ndodhi pas disa ditësh protestash në Turqi për përfshirjen ruse në Luftën Civile Siriane dhe betejën mbi Aleppon. Atentati tendosi disi marrdhëniet midis Moskës dhe Ankarasë.
