Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 1 korrik, shkruan Kosova Post.
1 Korriku është dita e 182-të e vitit, deri në fund të tij janë edhe 183 ditë.
1 korrik 1991 – Pakti i Varshavës, themeluar më 1955-n nën udhëheqjen e Bashkimit Sovjetik kundër NATO-s, u shkri zyrtarisht gjatë një takim në Pragë si rezultat i valës së ndryshimit që filloi me rënien e Murit të Berlinit dhe shpërbërjen e vetë Bashkimit Sovjetik.
1 korrik 1997 – Kina rimori sovranitetin mbi qytet-shtetin e Hongkongut, territoret e të cilit formohen nga 1 gadishull dhe 235 ishuj, duke i dhënë fund sundimit kolonial britanik 156-vjeçar.
1 korrik 2004 – Aktori i famshëm amerikan, Marlon Brando, laureat i dyfishtë i Çmimeve “Oscar” për rolet protagoniste në filmat “Mbi dok” (On the Waterfront) dhe “Kumbari” (The Godfather), u shua në moshën 80-vjeçare.
1586 – Në Siena të Italisë, në një familje fisnike, lindi Claudio Saracini, instrumentist i njohur lute (lahutë), dhe kompozitor italian (vdiq më 1630). Pak dihet lidhur me arsimin e tij muzikor. Një veçori unike e kompozimeve të Saraçinit është ndikimi i muzikës popullore, veçanërisht muzikës ballkanike; kjo është cilësuar si diçka jashtëzakonisht e rrallë në fillimet e muzikës italiane të stilit ‘barok’. Muzikologët supozojnë se Saraçini udhëtoi gjërësisht në Balkan kur ishte i ri dhe aty u njoh me muzikën dhe instrumentet vendase, përfshi lahutën (deri tani askush nuk ka hedhur ndonjë hipotezë se Saraçini ose të parët e tij, mund të kishin emigruar në Itali gjatë ikjes masive nga Ballkani, pas vdekjes së Gjergj Kastriotit-Skenderbej, kur rajoni ra përfundimisht nën sundimin osman në fund të shekullit XV). Veprat e Klaudio Saraçinit sikur pësuan rigjallërim në shekullin e 20-të, kur tërhoqën vemendjen e studiuesve të muzikës, pas një periudhe të gjatë harrese. Një bust i tij ndodhet në Garden of Villa Chigi Saracini, Castelnuovo Berardenga, Itali.
1646 – Lindi Gottfried Wilhelm Leibniz, matematikan dhe filozof gjerman, gjuhëtar, albanolog (vdiq më 1716). Leibniz, ndonjëherë i quajtur gjeniu i fundit universal, shpiku të paktën dy gjëra që janë thelbësore për botën moderne: kalkuluset dhe arithmetikën binare, duke hedhur bazat e matematikës moderne dhe shkencës kompjuterike (arithmetika binare është bazë për thuajse të gjithë komjuterat e sotëm). Gottfried Wilhelm Leibniz, gjuhëtar, ishte i pari që përcaktoi se gjuhët semite si hebraishtja dhe arabishtja dhe gjuhët Finno-Ugric si finlandishtja dhe hungarishtja, nuk i përkisnin të njëjtës familje gjuhësore, si shumica e gjuhëve të Evropës. Në 10 vitet e fundit të jetës, një nga përkushtimet e tij u bë gjuha shqipe, duke hapur shtegun për studimet albanologjike; fillimisht, Leibnizi spastroi mendimet e turbullta, duke rrëzuar mitin se shqipja, meqenëse flitej në Ballkan, bënte medoemos pjesë në grupin e gjuhëve sllave, apo se rridhte nga greqishtja ose latinishtja. Ai shprehu bindjen se shqipja ishte ilirishte, dhe kishte lidhje me gjermanishten, dhe këtë ngjashmëri e kërkoi në keltishten e lashtë. (Për më shumë vizito:
1766 – Jean-François Lefebvre de la Barre, një nëpunës i mbretit francez, torturohet, koka i pritet, trupi i hidhje në turrën e druve dhe digjet; në trup ishte gozhduar një kopje e ‘Fjalorit Filoziofik” të Volterit – Jean-François Lefebre de la Barre ishte dënuar për ‘krimin’ se nuk kishte përshëndetur një procesion fetar katolik në Abbeville, Francë.
1862 – Rusi; Themelohet Biblioteka e Shtetit. In 1925 kompleksi u ri-emërua Biblioteka e Bashkimit Sovjetik V.I. Lenini. Në vitin 1992, ajo u quajt përsëri “Biblioteka e Shtetit”, me anë të një dekreti nga presidenti rus Boris Jelcin.
1963 – SHBA: Vendoset kodi ZIP në adresë për të ndihmuar shërbimin postar. ZIP është akronim për Zone Improvement Plan. Nëpërmjet kodit ZIP, që përbëhet nga 5 numra, gjithë territori i SHBA-së ndahet në zona, secila me një kod 5-shifror të veçantë, duke e bërë shërbimin postar më efikas.
1967 – Krijohet Komuniteti Evropian nga një integrim i Tregut të Përbashkët Evropian, Komunitetit Evropian të Qymyrit dhe Çelikut, dhe Komisionit Evropian të Energjisë Atomike.
2007 – Pirja e duhanit në Angli ndalohet në të gjitha hapësirat e brendshme publike.
Lindje
1646 – Gottfried Wilhelm Leibniz, filozof gjerman
1780 – Carl von Clausewitz, general
1804 – George Sand, letarare franceze
1894 – Isaak Babel, gazetar rus
1916 – Olivia de Havilland, aktore amerikane fitues e Academy Awards
1925 – Franca Magnani, gazetare italiane
1945 – Hamdi Gashi, punonjës shkencor shqiptar
1953 – Jadranka Kosor, gazetare dhe politikane kroate
1961 – Diana Spencer, princeza e Uellsit
1961 – Carl Lewis, atlet amerikan
1967 – Pamela Anderson, aktore kanadeze
1977 – Liv Tyler, aktore amerikane
dekje
1736 – Ahmed i III-të, sulltan i Perandorisë osmane
1971 – William Lawrence Bragg, fizikant anglez
1974 – Juan Perón, gjeneral dhe kryetar argjentinas
1983 – Buckminster Fuller, arkitekt, dizajner, filozof dhe shkrimtar amerikan
2004 – Marlon Brando, aktor amerikan
2004 – Jasper Ridley, letrar britanez
Festa dhe përvjetore
Dita ndërkombëtare e humorit