Sa shpesh i shihni prindërit tuaj?
Oraret tona të ngarkuara nënkuptojnë se shumë prej nesh mendojnë se nuk po i shohim aq sa duhet ose do të donim. Por gjetja e kohës për prindërit tanë mund të zgjasë jetën e tyre, tregon një studim i ri.
Studiuesit në Universitetin e Kalifornisë, San Francisko, zbuluan se vetmia mund të çojë në rënie funksionale dhe, në disa raste, vdekje të parakohshme tek njerëzit e moshuar, transmeton Klankosova.tv.
Studimi, “Vetmia tek të moshuarit”, studioi 1600 të rritur me një moshë mesatare 71 vjeç. Ai zbuloi se gati 23 për qind e pjesëmarrësve të vetmuar vdiqën brenda gjashtë viteve të studimit, krahasuar me vetëm 14 për qind të atyre që raportuan se kishin përjetuar nivele adekuate të shoqërimit.
Prandaj, hulumtimi arriti në përfundimin se vetmia është një faktor i rëndësishëm në rënien e cilësisë së jetës tek të moshuarit dhe mund të çojë në depresion, dëmtim njohës dhe probleme të tjera shëndetësore si sëmundja e arterieve koronare.
Teoria se vetmia mund të dëmtojë rezultatet shëndetësore tek të moshuarit nuk është një koncept i ri.
Një studim tjetër nga Universiteti Brigham Jang në Juta, nga viti 2010, zbuloi se lidhjet shoqërore janë gjithnjë e më të rëndësishme për zgjatjen e jetës, duke dëshmuar se njerëzit me shumë miq të ngushtë dhe familje përreth ka të ngjarë të jetojnë më gjatë se ata që janë vetëm
