Kanalet televizive, aeroportet dhe banka të mëdha anembanë botës janë duke u përballur me ndërprerje masive të internetit.
Emisioni i mëngjesit i Sky News nuk u transmetua të premten në mëngjes, i zëvendësuar nga pamjet e arkivit.
Downdetector, një faqe interneti që monitoron ndërprerjet, raportoi rritje të papritura të problemeve me faqet e internetit duke përfshirë aplikacionet e Microsoft, faqet e internetit bankare dhe aplikacionet e linjave ajrore.
Aeroplanët janë ulur në Sidnej, Shtetet e Bashkuara i kanë pezulluar fluturimet, ndërsa platforma e bursave në Londër, ka raportuar, po ashtu, për probleme me internetin.
Në internet, përdoruesit raportuan probleme deri në Australi, Zelandën e Re, Indi dhe Japoni.
Troy Hunt, një studiues i sigurisë kibernetike, tha në një postim në X se “diçka super e çuditshme po ndodh tani” me individë në mbarë botën që ankoheshin se kompjuterët e tyre Ëindoës papritmas po shfaqnin “ekranin blu të vdekjes” dhe po hynin në modalitetin e rimëkëmbjes.
Inxhinierët e sigurisë kibernetike vunë në dukje një problem me Croëdstrike, një pjesë e softuerit antivirus, i cili dukej se po shkaktonte rrëzimin e kompjuterëve.
Senad Arun, themeluesi i kompanisë së kërkimeve kibernetike Imperum, e përshkroi incidentin si “Dita e Kiametit të Croëdstrike”, shkruan euronews.al.Shkaku i ndërprerjes nuk dihet ende.
