Ushtarët dhe udhëheqësit e Komandës Rajonale në Lindje të KFOR-it u bashkuan për një ceremoni donacioni në stacionin e Zjarrfikësve të Novobërdës.
KFOR-i njoftoi se dhuroi radio për këtë departament, të cilat do të ndihmojnë në përmirësimin e aftësive të zjarrfikësve dhe vullnetarëve.
“Këto radio përmirësojnë komunikimin brenda departamentit të zjarrit, zvogëlojnë kohën e reagimit dhe rrisin sigurinë”, thuhet në njoftim.
Tutje thuhet se donacioni është përpjekje e misionit të përditshëm të KFOR-it për të garantuar një mjedis të qetë dhe të sigurt për të gjitha komunitetet që jetojnë në Kosovë.
