Nga Kim Mehmeti
Siç duket, përpos Lëvizjes Vetëvendosje, të gjitha partitë tjera në Kosovë, më shumë i intereson pushteti se sa e mira e popullit dhe e shtetit!
Dhe duke qenë të verbëruara nga ardhja e tyre me çdo kusht në pushtet, ato nuk e shohin se me veprimet e veta, nuk e dëmtojnë ‘armikun’ e tyre të përbetuar – kryetarin e VV-së – por Kosovën.
Pra nuk e shohin se vendin e çojnë o drejtë zgjedhje të reja, ose drejtë një qeverie të VV-së ku më shumë ndikim do kenë paritë e pakicave etnike, se ajo shqiptare, e që nuk ka asgjë të keqe përpos që shpërfaq papërgjegjësinë e partive shqiptare ndaj popullit dhe shtetit.
Në ndërkohë duhet pranuar se kryetari i NISMA-së është lojtari më i mirë politikë që kanë partitë opozitare dhe andaj, afrimi i tij i papritur me VV ka vetëm dy shpjegime logjike: ose është politikanë i racës që interesin e shtetit e ve mbi atë vetjak dhe të partisë, ose e tërë është lojë që pasi të zgjidhet kryetar i parlamentit të kthehet aty nga ku ka ardhur!
Sidoqoftë e tërë kjo lojë e partive politike të Kosovës ka vetëm një efekt: ua plotëson dëshirën qarqeve antishqiptare serbe që Kosova të ketë qeveri dhe institucione të dobëta dhe që ajo të mos mund të konsolidohet si shtet!
