Shqiptarët historikisht kanë qenë modeli i mirë i bashkëpunimit ndërfetare, ka deklaruar Abdullah Klinaku në emisionin Rubikon në Klan Kosova ku po diskutohet për fenë dhe tolerancën.
Klinaku nga Demokracia Konservatore, tha më tej se njerëzit që për shkak të besimit kanë krijuar lidhjen me Zotin mund ta vazhdojnë ta përcjellin mesazhin nëpër botë për bashkëjetesën e shqiptarëve, pavarësisht besimit që i takojnë.
“Unë mendoj se njerëzit e besimit, që i takojnë besimit për shkak të bindjeve individuale për shkak të besimit që e kanë krijuar me Zotin, kanë mundësi me dhënë kontributin për vazhdimin e bashkëjetesës dhe përçimin e mesazheve të mira për gjithë botën se si shqiptarët duhet me ndërtu këtë punë”.
“Njeriu është besimtar për shkak të bindjeve të tij, është mysliman, i krishterë, protestan, hebrej etj. Besoj se Kosova ka kapital, ka resurs historik, intelektual e besimor edhe shqiptarët në përgjithësi për me kriju institucione të vazhdueshme që qojnë mesazh se shqiptarët janë model i mirë i bashkëjetesës midis feve edhe bashkëveprimit të përbashkët për interesa të përbashkëta”, ka deklaruar Klinaku.
