Gjykata Themelore në Prishtinë ka shpallur aktgjykimin lidhur me vrasjen e 18-vjeçarit në Podujevë, Lulzim Fejzullahu.
Edhe në rigjykim janë konfirmuar dënimet e gjykimit të parë ndaj dy të miturve që e shkaktuan vrasjen e 18-vjeçarit. E.K. është dënuar me 10 vjet burgim, kurse i mituri i dytë A.A. me 9 vjet burgim.
Avokati i familjes Fejzullahu, Tomë Gashi, pas seancës e cila është mbajtur me dyer të mbyllura, meqë të akuzuarit ishin të mitur, tha se rigjykimi vërtetojë se dy të akuzuarit e kanë kryer vrasjen me dashje, derisa vendimin e vlerësojë të drejtë.
Departamenti për të Mitur në Gjykatën Themelore në Prishtinë, më 23 maj 2024 kishte shpallur aktgjykim dënues ndaj dy të miturve lidhur me vrasjen e 18-vjeçarit në Podujevë, me të njëjtat dënime, por më pas më 17 korrik Gjykata e Apelit e kishte kthyer rastin në rigjykim.
Rasti kishte ndodhur më 15 janar të këtij viti në Podujevë, ku dy të akuzuarit kishin qëlluar me shkop të ndjerin deri në alivanosje, e më pas ai kishte ndërruar jetë në QKUK.rtk.
