Kryetari i Komunës së Podujevës, Shpejtim Bulliqi, ka pritur sot në takim Ambasadorin e Britanisë së Madhe në Kosovë z. Jonathan Hargreaves të shoqëruar nga nënkryetarja e Kuvendit të Kosovës znj. Saranda Bogujevci.
Kryetari Bulliqi së bashku me nënkryetaren Marigona Lahu dhe drejtorët komunal kanë informuar ambasadorin Hargreaves për karakteristikat e Komunës, projektet të cilat janë duke u zhvilluar gjatë kësaj periudhe si; Zona Industriale, Stacioni i Autobusëve, Urgjenca e qytetit, Qendra Multifunksionale, shkolla në disa fshatra dhe çerdhet.
Kryetari Bulliqi me ambasadorin Hargreaves, vizituan edhe shtëpinë ku ka ndodhur masakra e familjes Bogujevci dhe Duriqi nga paramiltarët serbë. Në fund kryetari Bulliqi falënderoi ambasadorin Hargreaves për vizitën në komunën e Podujevës, kontributin e jashtëzakonshëm të Britanisë së Madhe në luftën e Kosovës si dhe ndihmën e vazhdueshme të Britanisë në shtetndërtimin e Kosovës.
