Marash Kumbulla, mbrojtës shqiptar i Espanyol-it, por në pronësi të Romës, ka vlerësuar shokun e tij të Kombëtares dhe mesfushorin e Interit, Kristjan Asllani, në një intervistë për ‘Cronache di Spogliatoio’:
“Nuk kam parë kurrë një lojtar si ai që të godasë topin e ndalur me të dy këmbët dhe të mos dallosh diferencën. Ka nevojë vetëm të rritet akoma dhe të fitojë besim, të jetë më i qëndrueshëm. Është e qartë që tek Interi, mes kaq shumë kampionëve, është më e vështirë.”
“Kur e zgjodha, mora një dashuri të madhe. Në Shqipëri, patriotizmi është shumë i fortë. Babai im, Lini, erdhi në Itali rreth 30 vjet më parë dhe u vendos në Peschiera. Pastaj erdhën nëna ime dhe vëllezërit e mi. Fillimisht punuan si muratorë, pastaj hapën një kompani ndërtimi dhe një restorant. Jemi rritur këtu dhe jemi të gjithë krenarë për rrugëtimin tonë. Vëllezërit e mi po studiojnë ose po punojnë në fusha të ndryshme, secili duke ndjekur rrugën e tij. Duke qenë se kam lindur në Itali nga prindër shqiptarë dhe arrita në Serinë A, kam bërë shumë njerëz të lumtur dhe krenarë.”
Marash Kumbulla këtë sezon ka luajtur 23 ndeshje në La Liga, duke shënuar 2 gola dhe duke marrë 6 kartonë të verdhë. Ai gjithashtu ka realizuar një gol në Copa del Rey.s.n.
