Kryeministri Albin Kurti dhe ministri Hajrulla Çeku kanë vizituar sot disa prej shtëpive tradicionale në Prizren, që janë restauruar së fundi, përcjell KosovaPost.
Kreu qeveritar bashkë me vartësin e tij nga ministria e Kulturës që vjen nga ky qytet, janë pritur nga familjet Kirajtani, Vetimi dhe Munik, shtëpitë e të cilëve janë restauruar dhe të gatshme për shfrytëzim.
Ndërkohë, vetëm në Prizren, për mbrojtje dhe funksionalizim të trashëgimisë kulturore janë investuar mbi 4.5 milionë euro.
“Këto monumente e asete të trashëgimisë janë dëshmi të së kaluarës sonë, trashëgimi që institucionet po e ruajnë dhe e transformojmë në një potencial për zhvillimin e turizmit dhe në shërbim të komunitetit”, thuhet në njoftimin që ka shpërndarë Ministria e Kulturës e cila ka shpërndarë edhe fotografitë nga këto vizita.
