Kryeminstri i Kosovës, Albin Kurti ka emëruar ministren e Drejtësisë, Albulena Haxhiu, Koordinatore Kombëtare për mbrojtje nga dhuna në familje, dhuna ndaj grave dhe dhuna në baza gjinore, pas hyrjes në fuqi të ligjit të ri.
“Përpjekjet tona për ta çrrënjosur dhunën ndaj grave dhe vajzave janë të vazhdueshme.”, shkroi Kurti në Facebook.
Po ahstu Kurti bëri të ditur se është miratuar Strategjia Kombëtare për Mbrojtje nga Dhuna në Familje dhe Dhuna ndaj Grave (2022-2026), shkruan Arbresh.info.
“Si përgjigje ndaj dhunës, po e përmirësojmë edhe kornizën ligjore.Kemi avancuar nëpërmjet definimit të dhunës ndaj grave si vepër penale në Kodin Penal.”, u shpreh ai.
Po ashtu, shefi i ekzekutivit tha se po ofrohet ndihmë juridike falas për viktimat e dhunës në familje dhe me bazë gjinore, pavarësisht gjendjes socio-ekonomike.
“Për t’ua lehtësuar financiarisht përballjen me pasojat e dhunës, kemi miratuar Ligjin për Kompensimin e Viktimave të Krimit. “, tha Kurti.
“Rregulluam bazën ligjore për dënime plotësuese për personat që shpallen fajtorë për dhunë në familje dhe dhunim seksual, dhe prioritizim të hetimeve dhe gjykimeve për këto raste.”, shtoi ai.
Shefi i ekzekutivit tha se për rajtimin e dhunimeve seksuale kemi lansuar Protokollin Shtetëror.
Ndërkaq, siç thotë ai, është rritur financimin i shërbimeve të strehimoreve për mbi 100% për 2023.
“Përmes miratimit të projektligjit për shërbime sociale dhe familjare, filluam reformë të thellë për Qendrat për Punë Sociale.Për raportim të unifikuar po krijojmë module të reja në bazën e të dhënave nacionale të dhunës në familje.”, tha ai.
“Për të parandaluar përsëritjen e dhunës, kemi miratuar Kurrikulën për trajnimin e profesionistëve për ofrimin e programeve për kryerësit e dhunës në familje.”, tha kreu i qeverisë.
Kryeministri Kurti ndër të tjera njoftoi se më 29 nëntor do të lansohet Programi Kombëtar për Kryerësit e dhunës ndaj grave.
“Na duhet angazhim i përbashkët institucional e shoqëror. Këtë tani e lehtëson Udhëzuesi për funksionalizimin e mekanizmave lokal kundër dhunës në familje dhe dhunës me bazë gjinore.”, tha Kurti.
Shefi i ekzekutivit ndër të tjera bëri të ditur se minsitria e Drejtësisë, ka planifikuar mbi 80 aktivitete në kuadër të fushatës “16 Ditë të aktivizmit kundër dhunës në bazë gjinore”, e cila do të hapet me 25 nëntor.
“Puna në adresimin e dhunës në familje dhe dhunës ndaj grave dhe vajzave nuk ndalet, vazhdon përditë.”, përfundoi Kurti.
