Kryeministri i vendit, Albin Kurti së bashku me ministrin e Kulturës, Hajrulla Çeku, kanë pritur në takim këngëtarët nga Shqipëria Irma Libohova, Kozma Dushi, Ermira Babaliu, Liljana Kondakçi dhe Luan Zhegu, ku ky i fundit është kthyer në Kosovë pas 45 vitesh.
Nën organizimin nga Ambasada e Shqipërisë në Kosovë, mbrëmë, ata kishin performuar në koncertin “Nostalgjia”, nën drejtimin e Maestro Lambert Jorganxhi.
Sipas njoftimit të Zyrës së Kryeministrit, Kurti falënderoi këngëtarët e mirënjohur për punën e tyre në ngritjen e vlerave të artit dhe të kulturës shqiptare, përmes këngës si brenda poashtu edhe jashtë vendit.
Në takim ishte i pranishëm edhe Ambasadori i Republikës së Shqipërisë në Kosovë, Qemal Minxhozi dhe këshilltari në Ambasadën e Shqipërisë, Artur Bushati.
