Kryeministri i Kosovës Albin Kurti, në mbledhjen e Qeverisë ka theksuar se Kosova është angazhuar për 10 vjet që Procesi i Berlinit të këtë sukses dhe që sipas tij, ky proces ka kulmuar suksesshëm.
Kreu i qeverisë, ka thënë se në Berlin kanë nënshkruar një mori marrëveshjes.
“Doli të jetë një proces i suksesshëm që ka afruar vendet e rajonit me njëra-tjetrën dhe të gjitha së bashku me BE-në. Në Berlin nënshkruam deklaratën për tregun e përbashkët rajonal 2024-2028. Miratuam planin e veprimit që është shtyllë për planin e rritjes për Ballkanin Perëndimor, që Republika jonë përfiton 882.6 milionë euro”, ka theksuar Kurti.
Ai theksoi se veprimet e këtij plani janë të orientuara drejt avancimit të katër lirive, krijimi i mjedisit të favorshëm për biznese, zhvillimit të kapitalit njerëzor, digjitalizimit dhe inovacionit.
Kryeministri përmendi edhe nënshkrimin e tri marrëveshjeve tjera: Deklaratën mbi Rikonfirmimin e Marrëdhënieve të Fqinjësisë së mirë dhe Bashkëpunimit Rajonal, Deklaratën mbi Standardet Rajonale të Ekzaminimit të Investimeve të Huaja Direkte në Ballkanin Perëndimor dhe Deklaratën mbi Aneksin dhe Bashkëpunimin në Infrastrukturën e Kërkimit dhe Inovacionit.
Kurti i ka njoftuar ministra edhe për vizitën e presidentes së KE-së Ursula von der Leyen, me të cilën ka thënë se të diskutojë për planin e zgjerimit të BE-së.