Fiorentina dhe Como, deri më sot, janë skuadrat italiane më të interesuara për Lorenzo Insigne-n.
Sipas raportimeve të DAZN, të dyja klubet po monitorojnë me kujdes situatën e ish-lojtarit të Napolit. Veçanërisht Fiorentina është në kërkim të një sulmuesi krahu që mund të plotësojë skuadrën e trajnerit Palladino, ndërsa Insigne, nga ana tjetër, është drejt largimit nga Toronto FC dhe është i vendosur të rikthehet për të luajtur në Itali dhe në Serinë A.
Një vit më parë, klubi i presidentit Rocco Commisso kishte shfaqur interes për lojtarin e lindur në vitin 1991.
Objektivi kryesor është Luiz Henrique
Fiorentina vazhdon të ushtrojë presion për Luiz Henrique. Braziliani i Botafogos mbetet objektivi madhor i Fiorentinës për pozicionin e sulmuesit të krahut. Drejtori sportiv Pradè dëshiron t’i dhurojë Palladinos MVP-në e Libertadores së fundit, për të cilin Botafogo kërkon 30 milionë euro. Po për sa i përket Lyon-it? Problemet financiare të klubit francez e detyrojnë pronarin Textor (që zotëron edhe Botafogon) të bëjë shitje deri në 90 milionë euro, duke filluar nga Chekri. Nëse Lyon do ta marrë Luiz Henrique, do ta bëjë vetëm me qëllim që ta shesë menjëherë më pas.
Statistikat e Luiz Henrique me Botafogon
Gjatë sezonit 2024, Luiz Henrique pati një ndikim të jashtëzakonshëm te Botafogo, duke ndihmuar në fitimin e kampionatit brazilian dhe Copa Libertadores, me 12 gola në 55 ndeshje. Performancat e tij i dhanë titullin “Rei da América,” një çmim që i jepet lojtarit më të mirë të vitit në Amerikën e Jugut.s.n.
