Më shumë se 40,000 palestinezë janë vrarë si rezultat i sulmeve izraelite në Gaza.
Ky numër, 40,005 (shifër e publikuar enjten, barazohet me rreth 1.7% të popullsisë 2.3 milionëshe të territorit, një tjetër tregues i kthjellët i kostos njerëzore të luftës.
Krahas viktimave, analiza e imazheve satelitore sugjeron se gati 60% e ndërtesave në Gaza janë dëmtuar ose shkatërruar që nga fillimi i luftës.
Ministria e Jashtme palestineze thotë se zgjerimi i konfiskimeve të paligjshme të tokave nga autoritetet izraelite për të ndërtuar vendbanime të reja dhe për të zgjeruar ato të krijuara në Bregun Perëndimor të pushtuar kërkon veprim “urgjent” ndërkombëtar.
Ministria u kërkoi organizatave ndërkombëtare që të kthejnë deklaratat e refuzimit dhe dënimit në veprim dhe të ushtrojnë presion mbi Izraelin për të ecur drejt zbatimit të zgjidhjes me dy shtete, shkruan euronews.al.
Izraeli thotë se synimi i tij është ta shkatërrojë Hamasin, pas sulmit të 7 tetorit, në të cilin militantët në Gaza u futën vrullshëm në jug të Izraelit dhe i vranë 1.200 njerëz, si dhe i rrëmbyen rreth 250 të tjerë.
