Presidenti francez Emmanuel Macron tha se ishte i hapur për të diskutuar vendosjen e mundshme të armëve bërthamore franceze në vende të tjera evropiane.
Në një intervistë me transmetuesin TF1, Macron vuri në dukje se ”Shtetet e Bashkuara tashmë kanë stacionuar avionë të armatosur bërthamorë në Evropë”.
“Ne jemi gati ta hapim këtë diskutim me partnerët evropianë. Do të përcaktoj kornizën për bisedime të tilla në muajt në vijim”, theksoi ai.
Macron e bëri të qartë se çdo zgjerim i parandalimit bërthamor të Francës në vende të tjera do t’i nënshtrohet kushteve, duke përfshirë që Franca të mos paguajë për sigurinë e të tjerëve.
Përveç kësaj, aftësitë mbrojtëse të Francës duhet të mbeten plotësisht të paprekura dhe kontrolli përfundimtar mbi përdorimin e armëve do të mbetet vetëm tek presidenti francez.
Sipas Institutit Ndërkombëtar të Kërkimeve për Paqen në Stokholm (SIPRI), vendi zotëron rreth 290 armë bërthamore, duke e bërë atë fuqinë e katërt më të madhe bërthamore në botë pas Rusisë, Shteteve të Bashkuara dhe Kinës.atsh.
