Sulmuesi Rey Manaj mbrëmë ka qenë protagonist në fitoren e Shqipërisë ndaj Andorrës.
Kuqezinjtë mundën Andorrën (3-0), në ‘Arenën Kombëtare’, ndeshje kjo e luajtur në kuadër të kualifikuesve për Kupën e Botës 2026.
Manaj, i cili shënoi dygolësh në fitoren e Shqipërisë, pas ndeshjes u shpreh i kënaqur me golat, por edhe me fitoren e skuadrës kuqezi.
“Shpresoj që të vazhdoj gjithmonë me këtë ritëm. Ishte një ndeshje e vështirëm nuk është e lehtë të avancosh kur janë 10 veta që mbrohen. Shumë ekipe kanë çaluar me Andorrën”, tha ai.
“E menaxhuam mirë situatën. Rëndësi ka që të fitojmë ndeshjet. Duhet të shikojmë ndeshjen e radhës dhe se të gjithë ëndërrojnë të shkojmë në Botëror”, ka theksuar ai.
