Goditje e re për sulmuesin e Realit, Kylian Mbappé. Ylli francez ka parë se Federata Franceze e Futbollit nuk i ka kushtuar rëndësi kërkesës së avokates së tij, Delphine Verheyden, për t’ia kaluar çështjen ligjore që e përball atë me PSG-në. Shuma është e konsiderueshme: 55 milionë euro.
Sipas raportimeve të ‘L’Équipe’, UEFA nuk do ta analizojë rastin pasi nuk i ka mbërritur i gjithë dokumentacioni i nevojshëm.
Sipas burimeve nga Franca, pala e Mbappé-së kontaktoi me federatën franceze për të kërkuar ato 55 milionë euro që beson se klubi francez i detyrohet. Në pritje të vendimit nga gjykata e Parisit, pas apelimit, Federata Franceze e Futbollit nuk ia ka dërguar ende UEFA-s vendimin përfundimtar.
Klubi i futbollit pretendon se lojtari kishte rënë dakord me presidentin Al Khelaifi për të falur shumën prej 55 milionë eurosh, ndërsa lojtari deklaron se nuk ka prova apo kontrata të nënshkruara për këtë çështje. Vendimi përfundimtar pritet pas disa muajsh.s.n.
