Nuk ka më dyshime: fitues i Topit të Artë 2024 është Rodri. Mefushori spanjoll i Manchester City-t mposhti konkurrencën e Vinicius Junior për këtë çmim prestigjioz individual, që pati jo pak polemika që në mesditë, kur nisën të botoheshin lajmet se nuk do të ishte sulmuesi brazilian i Realit fitues i këtij çmimi.
Askush nuk mund të thotë se nuk ka merituar Rodri: fitues i Premier League-s, Botërorit për Klube dhe Kampionatit Evropian me Spanjën, kompeticion ku pati një rol kyç.
Sigurisht që për çmimin e këtij edicioni do të flitet gjatë për faktin se Reali i Madridit e bojkotoi ceremoninë në shenjë proteste për faktin se nuk e fitoi Vinicius Junior.
Klubi mbretëror mendon se edhe nëse kriteri i trofeve të fituar do të mbizotëronte në përzgjedhje, sërish duhej ta fitonte një lojtar i Realit: Carvajal.s.n.
