Më 2 shtator mësimi tërëditor do të fillojë në dy shkolla të kryeqytetit duke vazhduar edhe në tri shkolla të tjera gjatë muajit shtator.
“Shkollat në të cilat është planifikuar të nisë mësimi tërëditor më 2 shtator janë: shkolla “ Model” dhe “ Shkolla e Gjelbër” , duke vazhduar pastaj me shkollat : “Nazim Gafurri”, “ Faik Konica” dhe shkolla “ Xhemajl Mustafa “ . Janë bërë të gjitha përgatitjet logjistike të kuzhinave, sallave për aktivitete dhe të klasave të cilat janë pajisur me mjete didaktike”, tha Lushaku.
Tutje, Lushaku bëri të ditur së secila shkollë do të organizojë orarin në mënyrë që gradualisht nxënësit të adaptohen me orarin e ri dhe së deri në fund të muajit shtator, këto pesë shkolla do të fillojnë ta implementojnë në përgjithësi mësimin tërëditor.
“ Secila shkollë ka orarin e saj. Nxënësit dy javët e para e kanë orarin më të shkurtër, përshembull nxënësit e klasave të para dhe tëdyta në fillim do ta kenë orarin më tëshkurtër, ku do të fillojnë me tri orëmësimore ashtu si ka qenë më herët. Dhe pastaj do të përfshihen në drekë, mandej mënga një orë shtesë, ditën tjetër me dy orështese. Ky do të jetë orar progresiv që deri nëfund të muajit shtator nxënësit të adaptohen me orarin e ri. Mandej nga 30 shtatori, fillohet të implementohet tërësisht mësimi tërëditor”, ka shtuar Lushaku.
Njohësit e arsimit e konsiderojnë të vështirë realizimin e projektit të mësimit tërëditor. Njohësi i kësaj fushe, Xhavit Rexhaj, i tha Radio Kosovës se ky projekt nuk është planifikuar mirë.
“Hiç nuk jam për çështje selektive në zbatimin e mësimit tërëditor në shkolla. Është iluzion të thuhet që unë filloj mësimin tërëditor. Nuk e përkrahi, sepse konsideroj që nuk është i planifikuar mirë”, ka thënë Rexhaj.
Gjatë mësimit tërëditor është paraparë implementimi i kurrikulës bazë, shujta e ushqimit e cila do të sigurohet nga komuna dhe pasdite është paraparë të organizohen aktivitet shtesë që kanë të bëjnë me sportin, muzikën dhe artin.
Drejtues të Komunës së Prishtinës kanë bërë të ditur së janë bërë përgatitjet e nevojshme për fillimin e mësimit tërëditor dhe se gradualisht gjatë muajit shtator pesë shkolla do të përfshihen në mësimin tërëditor.
