Për të siguruar që çdo konsumator, sidomos ata nga diaspora dhe banorët vendas, të kenë sa më të lehtë përditësimin e të dhënave, KESCO ka vendosur dy shtande në Aeroportin e Prishtinës, njëri tek mbërritjet e tjetri tek nisjet.
Pra, përmes kampanjës “Në emrin tënd”, kompania tashmë është e qasshme për të gjithë qytetarët e vendit që udhëtojnë nga aeroporti, mbërrijnë aty apo e vizitojnë për një arsyje apo tjetër. Përditësimi është obligim ligjor që mund të kryhet shumë lehtë dhe nuk merr as 5 minuta kohë.
Të njëjtën kohë aty është duke u bërë edhe promovimi i kampanjës “Me ni t’prekme” për verzionin e ri të aplikacionit eKesco, Aty, qytetarët pos që mund ta shkarkojnë këtë aplikacion, punëtorët tanë edhe ua shpejgojnë mënyrën e funksionimit dhe të gjitha lehtësirat që ka aplikacioni i ri.
Këto dy shtande janë tregues i qartë që KESCO është kompani e përkushtuar që të jetë sa më afër konsumatorëve dhe tu sherbejë atyre, duke ua lehtësuar secilën procedurë dhe duke ua mundësuar qasjen e plotë dhe efikase në secilin shërbim.
Shtandet shërbejnë edhe si pikëtakim me konsumatorët. Ne mezi presim t’i takojmë ata, t’u përgjigjemi pyetjeve të tyre dhe të ndërtojmë partneritet me ta që sjell benefite të dyanshme.
Kjo fushatë pasqyron angazhimin tonë të vazhdueshëm ndaj inovacionit dhe kënaqshmërisë së konsumatorëve.
