Ministri i Mbrojtjes, Armend Mehaj në ceremoninë hapesë të “Defender Europe 23”, ka thënë se Kosova është shteti i katërt që ka më së shumti pjesmarrës, rreth 1400 trupa.
Mehaj ka thënë se ushtrimet e FSK-së për këtë stërvitje kanë filluar para 1 viti, transmeton Telegrafi.
“Vendi i 4 më më së shumti pjesëmarrës. Kemi filluar që 1 vit ushtrimet, kemi blerë pajisjet ushtarake e kemi bërë stërvitje Është e rëndësishme ngritja e kapaciteteve. Rrugëtimi ynë është i qartë, destinacioni ynë është një, në NATO. Ne do të plotësojmë çdo detyrë, që të jemi pjesë e NATO-s”, theksoi ai.
Ministri tha se do ta mbrojnë atdheun, dhe se liria i takon popullit.
Ministri iu uroj suksese të gjithë pjesëmarrësve në këtë stërvitje, duke shtuar se duhet dëshmuar se janë të gatshëm për të qenë pjesë e NATO-s. /Telegrafi/
