Ministri izraelit i Financave i ekstremit të djathtë, Bezalel Smotrich, la të kuptohet se ai beson se është “e justifikuar dhe morale” të parandalohet dërgimi i ndihmave humanitare në Rripin e Gazës në kurriz të 2 milionë civilëve që vdesin nga uria.
Sipas The Times of Israel, Smotrich, i njohur për stilin e tij provokues, argumentoi në një konferencë të organizuar nga media “Israel Hayom” se ndihma humanitare për Rripin e Gazës, e cila është nën sulmet izraelite që nga 7 tetori, duhet të bllokohet.
Duke thënë se është “legjitime” për të gjithë banorët e Gazës, të cilët kanë vuajtur nga uria për muaj të tërë për shkak të sulmeve intensive të Izraelit dhe bllokimit të ndihmës humanitare, Smotrich tha: “Ne nuk mund të menaxhojmë një luftë në realitetin aktual global. Derisa të kthehen pengjet tanë, askush nuk do të lejojë që 2 milionë civilë të vdesin nga uria, edhe nëse kjo është e justifikuar dhe morale”.
Ministri Smotrich tha se komuniteti ndërkombëtar nuk do të lejojë të pengojë dërgimin e ndihmave humanitare në rajon dhe tha se Izraeli ka nevojë për legjitimitet ndërkombëtar për të vazhduar sulmet e tij në Gaza.
Duke argumentuar se Izraeli duhet të marrë kontrollin e të gjithë Rripit të Gazës, ministri izraelit i ekstremit të djathtë deklaroi se qëllimi duhet të jetë të fitojë kontrollin e të gjithë Rripit të Gazës.
Në sulmet e Izraelit në Rripin e Gazës që nga 7 tetori 2023 e deri më tani numri i palestinezëve të vrarë ka arritur në 39.623, ndërsa i të plagosurve në 91.469, trasnmeton Anadolu.Ndërkohë që raportohet se ka ende mijëra të vdekur nën rrënoja, infrastruktura civile po shkatërrohet duke sulmuar spitalet dhe institucionet arsimore ku njerëzit janë strehuar.
