Ministri i Jashtëm rus Sergei Lavrov sapo gjatë një bashkëbisedimi me gazetarët ka paralajmëruar se një armëpushim për luftën në Ukrainë është një “rrugë drejt askund”.
Sipas mediave të huaja, ai tha se Rusia nuk sheh asnjë pikë përfitimi nga një armëpushim i thjeshtë dhe në vend të kësaj dëshiron të shohë një marrëveshje ligjërisht të detyrueshme për një paqe të qëndrueshme.
“Armëpushimi është një rrugë drejt askund,” tha ai, duke shtuar se Moska dyshon se një pauz do të përdorej nga Perëndimi për të riarmatosur Ukrainën. “Ne kemi nevojë për marrëveshje përfundimtare ligjore që do të rregullojnë të gjitha kushtet për të garantuar sigurinë e Federatës Ruse dhe natyrisht, interesat legjitime të sigurisë së fqinjëve tanë”, tha ai, shkruan A2CNN. “Ato dokumente ligjore duhet të hartohen në atë mënyrë që të sigurohet ‘pamundësia e shkeljes së këtyre marrëveshjeve’”, shtoi ai.
