Ministri i Mbrojtjes, Ejup Maqedonci ka njoftuar se po afrohet data e hapjes së konkursit të madh për rekrutimin e ushtarëve të rinj në Forcën e Sigurisë së Kosovës (FSK), përcjell KosovaPost.
Përmes një postimi në Facebook zyrtare, Maqedonci ka ftuar të rinjtë dhe të rejat që të bëhen pjesë e ushtrisë.
Sipas njoftimit, konkursi do të jetë i hapur për të gjithë shtetasit e interesuar që plotësojnë kriteret bazë, duke u bërë thirrje kandidatëve që të fillojnë përgatitjet e nevojshme për fazat e aplikimit.
Detajet kryesore të konkursit:
- Mosha e lejuar: 18 deri në 25 vjeç.
- Afati i aplikimit: Nga 2 marsi deri më 27 mars.
- Si të aplikoni: Procesi i aplikimit do të realizohet në mënyrë elektronike përmes ueb-faqes zyrtare: rekrutimi.fsk-ks.org.
Ministria e Mbrojtjes ka theksuar se shërbimi në FSK është një mundësi e shkëlqyer për të gjithë ata që dëshirojnë t’i shërbejnë vendit dhe të zhvillohen profesionalisht në një institucion me besueshmëri të lartë.
Për informata më të detajuara rreth kritereve specifike dhe dokumentacionit të kërkuar, kandidatët mund të vizitojnë faqen zyrtare të ministrisë në mod-ks.org.
