Gatimet me mish pule nuk zhgënjejnë asnjëherë, jo vetëm për nga shpejtësia në gatim, por edhe për shijet dhe vlerat e larmishme për shëndetin.
Në këtë artikull do të mësoni recetën e lehtë të mishit të pulës me limon dhe fidhe.
Kjo recetë përgatitet shpejt dhe mbi të gjitha ofron një vakt të plotë e përmbushës sa i përket vlerave ushqimore.
Përbërësit:
Çerek filxhani miell shumë-përdorimësh
1 lugë çaji hudhër pluhur
500 gramë fileto pule
Treçerek lugë çaji kripë
Gjysmë luge çaji piper të zi
2 lugë gjelle vaj ulliri
1 filxhan çaji lëng të mishit të pulës pa kripë
1-2 filxhanë çaji fidhe
2 filxhanë çaji spinaq të freskët
1 filxhan çaji domate qershizë të ndara në gjysma
3 lugë gjelle lëng limoni
2 lugë gjelle borziolok të freskët
Përgatitja:
Në një enë të thellë përzieni miellin dhe hudhrën pluhur.
Mishin e pulës ndajeni në copa të vogla ose mesatare dhe më pas goditini me rrahësin e mishit.
Spërkatini me gjysmë luge çaji kripë dhe piperin e zi.
Më pas, secilën prej copave të mishit lyejini me miellin me hudhër dhe vendosni tiganin e thellë në zjarr.
Kaurdisini copat e mishit të pulës për 3-4 minuta në secilën anë, deri sa sipërfaqja e mishit të marrë një ngjyrë kafeje të çelët me nuancë të artë.
Lërini copat e tiganisura të mishit të pulës mënjanë, në një enë të mbuluar mirë ku mund të qëndrojnë ngrohtë.
Në të njëjtin tigan të thellë, hidhni lëngun e pulës dhe kur ai të marrë valë, hidhni fidhet dhe ziejini për 8-10 minuta.
Shtoni spinaqin, domatet, lëngun e limonit, borzilokun dhe kripën e mbetur, përziejini dhe hiqeni tiganin nga zjarri.
Shtoni mishin e pulës dhe përziejini mirë dhe më pas servireni këtë pjatë duke e shoqëruar me sallatë jeshile për një vakt të shëndetshëm e shumëngjyrësh
