Kombëtarja e Kosovës mbrëmë nuk arriti të realizojë ëndrrën për kualifikim në Kampionatin Botëror.
Dardanët shënuan humbje nga Turqia me rezultat 0-1 në stadiumin Fadil Vokrri, transmeton Klankosova.tv.
Për emocionet dhe arritjen e suksesshme të tyre, presidentja e Republikës së Kosovës, Vjosa Osmani ka dekoruar sot lojtarët e Kombëtares së Kosovës.
Kapiteni i Kosovës gjatë ceremonisë së dekorimit, tha se është krenar që është pjesë e Kombëtares së Kosovës, ndërsa shtoi gjithashtu se dëshironte ta udhëhiqte ekipin Dardane drejt Shteteve të Bashkuara të Amerikës, por fati nuk ishte në anën e tyre.
“Kështu që, po shpresojmë në të ardhmen se kemi një gjeneratë shumë të mirë, një gjeneratë e artë po vjen, akoma nuk e kemi arritur gjeneratën e artë. Unë jam shumë krenar me veten që jam pjesë e stafit të Kosovës. Si Kapiten i Kosovës, kisha pasë shumë, shumë dëshirë me e udhëheq ekipin në Amerikë, por ja, ndonjëherë fati nuk të përcjell. Kështu që, ju falënderoj të gjithëve, në emër të ekipit, edhe shpresoj që tjetrën radhë do të jemi në një kualifikim Evropian ose Botëror”, tha Muriqi.
