Muzeu është i vendosur në një ndërtesë historike ndërtuar në vitin 1764, ku në ambientet e brendshme dhe të jashtme pasqyrohen mënyra e jetesës dhe traditat shqiptare të zonës dhe më gjerë, si dhe mënyra e ushtrimit të zejeve të ndryshme.
Muzeu Etnografik i Krujës është një nga muzetë e veçantë të Shqipërisë, që pasqyron mënyrën e jetesës, zejet dhe traditat e shqiptarëve përgjatë shekujve.
Struktura e muzeut vlerësohet si unike në llojin e saj në Ballkan, e frymëzuar nga stili arkitekturor shqiptar dhe osman dhe konsiderohet si një nga monumentet më të rëndësishme të trashëgimisë kulturore dhe historike të Shqipërisë.
Muzeu është i vendosur në një ndërtesë historike në qytetin e Krujës ndërtuar në vitin 1764 dhe që u përshtat si muze që në vitin 1989, ku në ambientet e brendshme dhe të jashtme pasqyrohen mënyra e jetesës dhe traditat shqiptare të zonës dhe më gjerë, si dhe mënyra e ushtrimit të zejeve të ndryshme.
Objektet e muzeut janë që nga periudha osmane e deri në dekadat e fundit, të cilat janë të ekspozuara në ambiente që janë të ndara në dhoma të ndryshme dhe janë kryesisht veshje, enë, armë, objekte që përdoreshin nëpër shtëpi, objekte për zejet, si dhe sende të tjera të ndryshme.
Muzeu është i përbërë nga dhoma e mysafirëve, dhoma e grave, kuzhina, dhoma e veshjeve kombëtare, hamami, dhoma e bariut, pastaj ambientet e zejeve, si të përpunimit dhe prodhimit të vajit të ullirit, qelesheve, mulliri, prodhimi i shajakut, kovaçi, qeramika dhe ambiente të tjera, duke ruajtur dhe pasqyruar etnografinë dhe kulturën shqiptare.
Në muze ekspozohen rreth 1.100 objekte
Mehdi Hafizi, drejtor i Qendrës Muzeore Krujë për Anadolu tregon se në dy katet e ndërtesës së muzeut pasqyrohen mënyra si punohej (zejet) dhe mënyra e jetesës në këto lloj banesash, traditat dhe aspekte të tjera.
Ai tregon se janë rreth 1.100 objekte që janë të ekspozuara në këtë muze që janë nga 50-500 vjeçare, duke shtuar se çdo objekt në llojin e tij ka vlerë.
Duke folur për ndërtesën historike ku është vendosur muzeu, Hafizi thekson se është e klasifikuar si ndërtesë me çardak të mbyllur.
“Mënyra se si ekspozohet jetesa në këtë periudhë tregon shumë interes për vizitorët, sidomos vizitorë të huaj dhe ky me të drejtë është cilësuar si muzeu më i mirë në Ballkan në llojin e tij si etnografik. Tërheq vëmendje shumë pjesa e kulturës që është shumë e rëndësishme dhe kjo është e ndërthur, kjo është një mënyrë jetese edhe osmane”, tregon ai.
Duke folur për interesin e vizitorëve, Hafizi tregon se kanë shumë vizitorë nga vende të Evropës, por edhe vizitorë amerikanë. “Kemi italianë, francezë, gjermanë, turq e pëlqejnë jashtë mase shumë këtë muze, por kemi vizitorë edhe nga vendet e Ballkanit”, shprehet ai.
Ai thekson se vizitorët shqiptarë janë kërkues për ta parë këtë muze. “Unë them se gjeografia nuk njeh kufi sidomos për këtë muze ku kultura është ruajtur me shumë kujdes dhe është shumë i pëlqyer në llojin e tij”, tregon ndër të tjera Hafizi, trtbalkan. Në këtë muze është implementuar edhe teknologjia e realitetit virtual, ku me anë të instrumentit të ri të teknologjisë VR, mund të përjetohet një “udhëtim” në kulturën dhe traditat e zonës, duke sjellë një përvojë unike dhe interaktive për vizitorët e huaj dhe vendas.
