Ministrja e Arsimit, Arbërie Nagavci në tubimin elektoral të Lëvizjes Vetëvendosje në Komunën e Rahovecit, ka thënë se në fushën e Arsimit do të vazhdojmë me programe të reja në mandatin e Qeverisë Kurti 3.
Ministrja Nagavci tha se në këtë mandat përveç mbështetjes ndaj studentëve të universiteteve publike, do të mbështesin edhe studuentët e universitetevë të tjera jo publike.
“ Në mandatin e Qeverisë Kurti 3 vazhdojmë me programe të reja, përveç bursave për studentët në universitetet publike do të ofrojmë mbështetje edhe për studentët e institucioneve të arsimit të lartë jo publik. Do të fillojmë më programet e mobilitetit për studentët dhe po ashtu do të punojmë në profilizimin e universiteteve publike”, ka thënë Nagavci.
