Kryetari i Komunës së Prishtinës, Perparim Rama, ka bërë të ditur se në shenjë nderimi të sakrificës së popullit boshnjak, i ka dhuruar “Çelësin e Qytetit”, Emir Suljagiq, drejtor ekzekutiv i Qendrës Përkujtimore në Srebrenicë, i njohur edhe si një prej pak të mbijetuarve të gjenocidit në Srebrenicë, përcjell Kosova Post.
Ndërsa ka nderuar me çmimin, Rama ka kujtuar se Reçaku, Meja e Krusha e Madhe janë “përjetime të ngjashme të popullit tonë me atë të Srebrenicës”.
“Emiri është një prej pak të mbijetuarve të gjenocidit në Srebrenicë. Ai na nderoi sot me vizitë në institucionin e kryeqytetit. Në shenjë të empatisë me vuajtjet e përjetuara dhe për të nderuar sakrificën e popullit boshnjak, i dhurova ‘Çelësin e Qytetit’. Gjenocidi në Srebrenicë shkoi gjithë botën si një prej krimeve të organizuara më barbare të shekullit 20. Prekazi, Reçaku, Meja e Krusha e Madhe janë përjetime të ngjashme të popullit tonë me atë të Srebrenicës. Ne i përkujtojmë çdo ditë me dhimbje të gjitha viktimat e pafajshme të shkaktuara nga regjimi serb”, është shprehir kryetari Rama.
