Në veri të Kosovës janë shfaqur posterë me fotografinë e presidentit të Serbisë, Aleksandar Vuçiq, shoqëruar me mesazhin “komandant suprem, po të presim”.
Zëvendësdrejtori i Policisë së Kosovës për rajonin e Veriut, Veton Elshani, për teve1.info tha se posterët janë shfaqur në disa lokacione në katër komunat veriore.
“Në disa lokacione të 4 komunat e Veriut të Vendit janë shpërnda pamflete me foton e Kryetarit të Serbisë”, tha ai.
Ndërkohë, bëri të ditur se pas konsultimit me prokurorin e shtetit është hap rasti “Nxitje e Urrejtjes”.
Deri më tani, Elshani tha se nuk kanë persona të dyshuar.
“Nuk kemi të dyshimtë, ndërsa policia po punon në drejtim të ndriçimit të rastit”, deklaroi Elshani.
