Të paktën 18 persona humbën jetën pas rrëzimit të një avioni gjatë ngritjes në kryeqytetin e Nepalit, Katmandu, sipas zyrtarëve. 19 persona besohet se kanë qenë në avionin e Saurya Airlines, i cili ishte nisur për në Pokhara, një destinacion popullor turistik.
Videot e postuara në internet tregojnë avionin në zjarr dhe tym.
Shefi i sigurisë së aeroportit Arjun Chand Thakuri tha se avioni po transportonte dy anëtarë të ekuipazhit dhe 17 teknikë në Pokhara për kontrolle të mirëmbajtjes.
Nepali është kritikuar për sigurinë e dobët ajrore. Në janar të vitit 2023, të paktën 72 njerëz humbën jetën në një përplasje të Yeti Airlines, shkruan abcnews.al.. Në vitin 1992, një fluturim i Pakistanit International Airlines u rrëzua në një kodër ndërsa po i afrohej Katmandu, duke shkaktuar 167 viktima.
