Arritja e një marrëveshje paqeje midis Izraelit dhe Hamasit ka pak gjasa që të ndodhë brenda mandatit aktual të Presidentit amerikan, Joe Biden. Kështu thekson media e njohur amerikane, Wall Street Journal në një editorial të sajën. Duke cituar burime ekskluzive, theksohet se, Shtëpia e Bardhë ka thënë se palët ndërluftuese tashmë kanë rënë dakord për “90 për qind” të tekstit të marrëveshjes, kështu që shpresa mbetet për një përparim.
Por një numër zyrtarësh të nivelit të lartë në Shtëpinë e Bardhë, Departamentin e Shtetit dhe Pentagon argumentojnë se palët ndërluftuese nuk do të pajtohen me kornizën aktuale. “Asnjë marrëveshje nuk është e afërt,” tha një nga zyrtarët amerikanë. “Unë nuk jam i sigurt se do të bëhet ndonjëherë”, citon Wall Street Journal.
Zyrtarët përmendën dy arsye kryesore për situatën e pashpresë. Raporti i të burgosurve palestinezë që Izraeli duhet të lirojë për të sjellë pengjet e mbajtura nga Hamasi në shtëpi ishte një pikë e madhe pengese – madje edhe përpara se Hamasi të vriste gjashtë pengjet, duke përfshirë një shtetas amerikan, si dhe sulmi dy-ditor ndaj Hezbollahut i ndjekur nga sulmet ajrore izraelite, e ka bërë mundësinë e një lufte gjithëpërfshirëse shumë më të mundshme, duke komplikuar diplomacinë me Hamasin.
Një problem tjetër është se, sipas zyrtarëve të administratës Biden, Hamasi bën kërkesa dhe më pas refuzon të thotë “po” pasi SHBA dhe Izraeli t’i pranojnë ato. Negociatat ka frustruar rëndë negociatorët, të cilët gjithnjë e më shumë mendojnë se grupi militant nuk është serioz për përfundimin e një marrëveshjeje.
Kritikët kanë akuzuar gjithashtu kryeministrin izraelit Benjamin Netanyahu për sabotim të procesit, pjesërisht në një përpjekje për të qetësuar krahun e djathtë të koalicionit të tij qeverisës. Dështimi për të arritur një marrëveshje mund të dëmtojë trashëgiminë e Biden, i cili pasi mbështeti Izraelin pas sulmit të Hamasit të 7 tetorit nuk arriti të bindë Netanyahun se ai duhet t’i jepte përparësi kthimit të rreth 250 pengjeve. (A2 Televizion)
