Presidentja e Kosovës, Vjosa Osmani po qëndron në Lisbonë të Portugalisë, ku është pritur nga homologu i saj Marcelo Rebelo de Sousa, përcjell KosovaPost.
Osmani në një postim në “X” ka falënderuar presidentin portugez për pritjen e ngrohtë.
“Këtë vit ndërsa vendet tona shënojnë 15 vjetorin e marrëdhënieve diplomatike, ne riafirmojmë angazhimin tonë të përbashkët për të forcuar më tej lidhjet dhe bashkëpunimin tonë”, ka shkruar Osmani.
Presidentja Osmani ka shkuar edhe në Facbook për takimin me presidentin e Portugalisë, Marcelo Rebelo de Sousa.
“Në 15 vjetorin e vendosjes së marrëdhënieve diplomatike, ishte kënaqësi të takoj sërish Presidentin e Portugalisë, Marcelo Rebelo de Sousa”, ka shkruar Osmani në Facebook.
Sipas Osmanit, Portugalia është një shtet jashtëzakonisht miqësor me të cilin ‘na afron angazhimi i përbashkët për paqe, stabilitet dhe progres të vazhdueshëm’.
